အကြောင်းပြချက်အမျိုးမျိုး
တိုးပြီးရင်းတိုးတတ်လွန်းတယ်
ငွေကြေးကိုလမ်းတိုအလိုက်မှာ
ခပ်မိုက်မိုက်လေးအရဲစွန့်ရတော့
ဟိုတယ်ကားဂိတ်ဘူတာတံတား
ချောင်ကြိုချောင်ကြားအားလုံး
သူတို့နေရာတွေချည်း…..

ဗန်းစကားအခေါ်ဝေါ်စုံအောက်မှာ
ပြုသမျှနုပေးရမယ့် အငှားခန္ဒာအတွက်
ငွေရွှင်သူတို့ တဏှာကိုဂျိုတပ်တော့
သူမတို့ဘဝကို တန်ဖိုးဖြတ်ကြတယ်….

ပြုံးနေရလဲ မပျော်ဘူး
သူတို့ရင်ဘတ်မှာ ရှိုက်သံထပ်နေလိမ့်မယ်
ထောင်နှုတ်ခမ်းကိုနင်း အလှပန်းကိုရင်းပြီး
ဒါလား “ဘဝ”လို့ ဟားတိုက်အရယ်
အမှန်သိပြီး မပြင်နိုင်တဲ့ မျက်ရည်အကျမှာ
အဆိပ်နံ့တွေပဲ လှိုင်လှိုင်ဝေသွားလိမ့်မယ်……

မင်းမေးချင်မှာပေါ့
ဘဝအမှားတွေ ချေဖျက်နိုင်ဖို့
ခဲဖျက်ဘယ်နှစ်တောင့်များပါခဲ့လဲလို့…

မင်းနဲ့အတွေ့မှာ မင်းအငွေ့သက်လေးတောင်
ထုပ်သိမ်းထားနိုင်တဲ့ ဝိညဉ်တစ်ကောင်အဖြစ်
မိုက်မိုက်မဲမဲ တွယ်ငြိပစ်လိုက်မယ်
ဘယ်တရားနဲ့မှ မကျွတ်စတမ်း
ဘယ်တော့များမှ သာဓုမခေါ်စတမ်းပေါ့…

နတ်ရူးကို ဗုံမြှောက်သတဲ့
ရူးလောက်တဲ့ မင်းမနက်စာတွေမှာ
ပဒိုင်းနံ့တောင် မွှေးနေသယောင်ယောင်
ကျွေးချင်ရာကျွေးပါစေ ချစ်သူ
ငါဟာ နှလုံးသားနဲ့ စားနေတဲ့ သူရူးတစ်ယောက်ပါ…

အမှားကျူးလွန်ပြီးရင် သင်ခန်းစာရတတ်သတဲ့
မှားပြီးမှရတဲ့ သင်ခန်းစာအတွက်
ငါ့ကိုယ်ငါ မနှစ်မြို့နိုင်တော့ဘူးဆိုတာ
မင်းရင်ဘတ်တံခါး ဖွင့်ကြည့်မှသိမယ်ချစ်သူ
တံခါးလေး ဖွင့်ကြည့်ရုံသက်သက်ရယ်ပါ…..

(နတ်ရူးကိုဗုံမြှောက် = နတ်ကချင်တဲ့အရူးကို ဆိုင်းဗုံတီးပေးခြင်း)

အဟောင်းတွေ အသစ်တွေ များစွာသော နေ့များထဲက အဲဒီနေ့လေး တစ်နေ့က………

အမိဝမ်းတွေမတူခဲ့ဘူး
ခြေချခဲ့တဲ့ မြေအရောင်တွေ မတူခဲ့ဘူး
ထမ်းခဲ့ရတဲ့ ဒုက္ခအိုးတွေ မတူခဲ့ဘူး
ဒါပေမယ့်
တစ်ယောက်လက်ကို တယောက်ဆွဲမိချိန်
သွေးကြောထဲက ခံယူချက်တွေ
ရင်ဘတ်ထဲက သံယောဇဉ်တွေ
တူညီနေခဲ့ရင် ပုခုံးဖက်ရင်းပြောလိုက်မယ်
မင်းဟာ ငါ့ရဲ့ သူငယ်ချင်း…

တောင်စွယ်မှာ နေမကွယ်သေးပါဘူး။ လျှပ်စစ်မီးတို့ မပြတ်တောက်ပါဘူး။ ဘယ်သူမှ အမှောင်မချပါဘူး။ ခပ်ပါးပါး နှင်းတို့လဲ ဖြူဖြူဖွေးဖွေးကျနေဆဲ။ ဒါပေမယ့် ဒီနေ့ ကျနော်တို့ရဲ့ စိတ်တွေ မည်းမှောင်နေခဲ့တယ်။ တနည်းအားဖြင့် မဲနက်သော အမှတ်တံဆိပ်ကို ရင်ဘတ်မှာ ကပ်ပြီး အပြုံးမျက်နှာတို့နဲ့ ဖြတ်သန်းကြတဲ့နေ့။ Black Label နဲ့ ဝိုင်းဖြစ်ကြတဲ့နေ့။

၁) ဂိုဏ်းချုပ်ကြီးမိုးသီး
ဘယ်လိုခေါင်းစဉ်တပ်ရမယ် မသိတဲ့နေ့တစ်နေ့ရဲ့ ဖြစ်ရပ်အားလုံးကို ဒင်းစတာ။ သူငယ်ချင်းတွေ စကားလက်ဆုံ မဝိုင်းဖြစ်ရင် အရမ်းလွမ်းနေတတ်တဲ့ဒင်း။ မင်းဘဝရဲ့ ဝမ်းနည်းစရာအချိန်တွေမှာ ဒီသူငယ်ချင်းတွေ ဖေးကူခွင့်ရသလို ပျော်စရာအချိန်တွေမှာ ပါဝင်ခွင့်ရတဲ့အတွက် ကျေနပ်မိတယ်။ ရုပ်တည်နဲ့ လက်ချာတွေပေး ချွန်တွန်းလုပ်တတ်သေးတယ်။ ဓါတ်ပုံရိုက်ရင် သုံးခါလောက်ရိုက်မှ မျက်လုံးပွင့်ပြီး မခို့တရို့ အပြုံးလေး ပြုံးပြတတ်သေးတယ်။ အာလူးကို သိပ်ကြိုက်တဲ့ဒင်း ၊ ပြောတဲ့စကားက perfect ဖြစ်တယ်ဆိုပဲ။ ဒင်း ကောင်းကို မကောင်းဘူး တကယ် မိုက်မဲတယ် (မိုက်လည်းမိုက်တယ် မဲလဲမဲတယ်) ဒါ့ကြောင့် ငါတို့ပေါင်းလို့ရတာ။

၂) ဂျိုကာကြီးပိစိ
ဒီကောင် ကြံရာပါ။ မကောင်းတဲ့ကိစ္စဆို ဖြစ်မြောက်ရေးအတွက် အမြဲကြံစည်တတ်တဲ့ကောင်။ perfect ဖြစ်တဲ့ ပွဲမှာ ပါအဖြောင့်ဆုံးလို့ ကြွေးကြော်သွားသေးတယ်။ ဒါတောင် ပုလင်းသုံးလုံးဆင့်ရင် သူ့အရပ်နဲ့ level ဖြစ်နေလို့ တော်သေးတယ်။ “မအေးအေးဝင်း စီစဉ်သည်” ဆိုတာထက် အဆတစ်ရာပိုပြီး ကြိုတင်စီစဉ်တဲ့ကောင်။ လူမိုက်အကြံပေး ၊ ဈေးဝယ် ၊ အချက်ပြုတ်နဲ့ မာကာတာဝန်တွေ တနင့်တပိုး ထမ်းဆောင်ပြီး သီချင်းနဲ့ ချော့သိပ်ခဲ့သေးတယ်။ ဒီလိုကိစ္စတွေမှာ တာဝန်ယူ စီစဉ်တတ်တဲ့မင်းလဲ မကောင်းဘူး သူငယ်ချင်း ဒါ့ကြောင့် ငါတို့ပေါင်းလို့ရတာ။

၃) လူမိုက်ကြီးမဲလုံး
အငွေ့ပဲစားတယ် အမြဲပြောတတ်တယ်။ အနံ့ပဲရရင် အငွေ့ပဲစားပြီး ပန်းကန်တွေ့ရင် အတွေ့စားတတ်တဲ့သူ။ Fair & Lovely ကုမ္ပဏီကို တရားစွဲဖို့ ဆိုင်းပြင်းနေတတ်သလို Show Room တွေမှာ security လုပ်ဖို့ ရုပ်ခံရှိတယ်လို့ ကြေညာသွားတဲ့သူ။ ပုတုပုံပြင်တွေကို ဆန်းသစ်တီထွင်တတ်ပြီး ချစ်သူဆီမှာ သုံးရက်လောက် ကြိုတင်ခွင့်ယူကာ ပွဲမှာ မဖြစ်ဖြစ်အောင် ပါဝင်ခဲ့တာသူ။ ပုလင်းလေးကိုင်ရင်း “ဒီ Black Label စပြီး စိမ်တုန်းက  တို့တွေ ဂျိုးတန်းလန်းနဲ့ ဂွေလှိမ့်တုန်းပေါ့။ ခုတော့ အမြင်ကတ်လို့ သောက်ပစ်လိုက်ပြီ” ဆိုတဲ့သူ။ သူလဲ မကောင်းဘူး ဒါ့ကြောင့် ငါတို့ ပေါင်းလို့ရတာ။

၎) လူဆိုးကြီးပေသီး
အသွေးထဲကအသား အရိုးထဲကအားနဲ့ “အဲဒါဘလက်ဟုခေါ်သည်”လို့ ဟစ်ကြွေးတဲ့သူ။ ဟော့ပေါ့ကို လက်ညှိးထိုးရင်း “သုံးဆောင်ကြည့်ပါ ကုန်းဘောင်ခေတ်ကလိုတော့ မဟုတ်ဘူး” ဆိုတဲ့ မင်းရဲ့အညွန်း ၊ “အသဲယားတဲ့ ပဲပြား” ဆိုတဲ့ မင်းရဲ့ အပြောနဲ့ တို့သူငယ်ချင်းတွေ ပိုပြီး ပျော်ရွှင်စေခဲ့တာ အမှတ်တရပဲ သူငယ်ချင်း။ “Life is always not perfect but today is Perfect-Day!!!” ဆိုတဲ့ မင်းဆုတောင်းနဲ့ လူမိုက်အားပေးလုပ်တဲ့ မင်းလဲ မကောင်းဘူး သူငယ်ချင်း ဒါ့ကြောင့် ငါတို့ ပေါင်းလို့ရတာ။

၅) စော်ဘွားကြီးငမူး
လိုင်စင်ရ သူတောင်းစား။ ဘုရားစူး တောင်ပေါ်သား။ အသားလုံးကို ဆလပ်ရွက်နဲ့ထုပ်စားရင်း နင်နေလို့ Black Label နဲ့ မျှောချရတဲ့ဘဝမှာ စားရသောက်ရတာ သိပ်မောတာပဲလို့ ငြီးငြူနေတတ်သေးတာ။ သောက်အပြီး စိုးရိမ်တဲ့ ညှောင်နာနာ လေသံလေးနဲ့ “အား….. ဖျားများ ဖျားမလား မသိဘူး”တဲ့ ပြောတတ်သေးတယ်။ သူများထက်ထူးတဲ့ သူ့ရဲ့ အစွမ်းအစလေးက သူကြိုက်မလို့ ရာထားလိုက်တဲ့ ကောင်မလေးတိုင်း သူများတွေ “မ” သွားတတ်ကြတယ်။ ဒါ့ကြောင့် “ရာမကြီး” လို့လဲ ခေါ်လို့ရသေးတယ်။ သူများတွေ အရက်ကို အကြောင်းအမျိုးမျိုးနဲ့ သောက်ကြပေမယ့် သူကတော့ “အရမ်းကြီးကြိုက်တာ” ဆိုတဲ့ တမျိုးတည်းနဲ့ပဲ ပွဲသိမ်းစကားဆိုတယ်။ အဲလိုလိမ္မာတဲ့ သူငယ်ချင်း မင်းလဲ မကောင်းဘူး ဒါ့ကြောင့် ငါတို့ ပေါင်းလို့ရတာ။

၆) မိုက်ခဲကြီးဆိုးသွမ်း
Camera allergies, alcohol allergies ရှိသူ။ အပြောကြီးသလောက် တဖက်လှည့်နဲ့ ခိုင်းစေဖို့ software, program များသာ ရေးဆွဲနေသူ။ ငုံးဥများ လိမ်လည်စားသောက်သူ။ မူးလာရင် ဝက်မှိန်းမှိန်းတတ်လိုက်သေးတယ်။ တမျိုးတဆွေလုံးမှာ မင်းတစ်ယောက်တည်းသာ (၈၅) ကျပ်တန် မကျည်းသုံးလုံးနဲ့ မင်းရဲ့ allergies တွေ ပျောက်ခဲ့ရတဲ့သူငယ်ချင်း တကယ်ခင်လို့ သတိပေးလိုက်မယ် မင်းအမေကို ပွင့်ပွင်းလင်းလင်း မေးဖို့လိုပြီ “သောက်ပြီးတိုင်း ခင်များတို့ စားကြအုံးမလား” ပြောရင်း လိုက်ခွံ့တတ်တဲ့မင်း။ မင်းလဲ မကောင်းဘူး ဒါ့ကြောင့် ငါတို့ ပေါင်းလို့ရတာ။

၇) ငဖွကြီးမောင်ကျန်
ရတနာရှိရာ ရတနာလာသတဲ့။ တံငါနားနီးတံငါ မုဆိုးနားနီး မုဆိုးတဲ့။ ဒင်းတို့နဲ့ ပေါင်းမိခဲ့တဲ့ ငါလဲ မကောင်းဘူး။ အခန့်မသင့်ရင် ဝဒ်ဆိုက်ပေါ်ရောက်မယ်နော် ဆိုတဲ့ မင်းတို့အတွက် အခန့်သင့်အောင် မှတ်မှတ်ရရလေး ရေးပေးချင်တဲ့ကောင်။ သူငယ်ချင်းတို့ရေ မကျေနပ်ရင် အားရပါးရ မျက်စောင်းနဲ့သာ ထိုးပစ်လိုက်တော့။ မချက်တတ်ပဲ အိုးသူကြီး လုပ်တဲ့ကောင်။ တောက်တိုမယ်ရကို ပေါက်ကရလုပ်တဲ့ကောင်။ အရက်ငွေ့ကြောင့် မှန်ကြောင်ဖြစ်သွားတဲ့ကောင်။ ဒီလိုကိစ္စဆို နှစ်ခါလက်မတို့ရတဲ့ မောင်ကျန်။ ငါလဲ မကောင်းဘူး ဒါ့ကြောင့် မင်းတို့နဲ့ ပေါင်းလို့ရတာ။

ပျော်ပွဲရွှင်ပွဲထဲက ပျော်စရာ အကောင်းဆုံးပွဲ။ မာနတွေ ဟန်ပန်တွေ အရေခွံမခြုံတဲ့ပွဲ။ လွတ်လပ်မှုတွေ ရွက်လွှင့်တဲ့ပွဲ။ ရယ်မောသံတို့ နားထဲမှာ ပဲ့တင်ထပ်ဆဲ။ သံပြိုင်သီချင်သံတို့ နားထဲမှာ ပျံ့လွင့်ဆဲ။ သတိရတိုင်း ထအော်တတ်ကြသေးတာက “—–ဟု ခေါ်သည်” တဲ့။ မသိသူကျော်သွား သိသူဖော်စားကြလိမ့်မယ်။ ဘယ်သူတွေ ဘာပြောပြော ဒီတစ်ညမှာတော့ တို့သူငယ်ချင်းတွေ ရိုးသားစွာနဲ့ “ဤ” ကို “ကျွဲ” ဖတ်လိုက်ကြတယ်။ တို့စကားထဲကအတိုင်းပေါ့ မင်းတို့ဟာ ငါ့ရဲ့ VIP တွေ ဖြစ်သလို ငါလဲ မင်းတို့ရဲ့ VIP ဖြစ်နေဖို့ အမြဲမျှော်လင့်တယ်။ ကိုဂျော်နီလမ်းလျှောက်တုန်း တို့ထိုင်ရာကနေ မျှင်းမျှင်းလေး မှောက်သွားတဲ့ ညတစ်ညမှာ တို့တွေဟာ 7 VIPs ။

7 VIPs သူငယ်ချင်းများအတွက် သီးသန့်ဖွထားခြင်းဖြစ်ပါတယ်။ ဒီလိုနေ့မျိုး အကြိမ်တစ်သိန်းမက ကြုံကြရပါစေကွာ။

]]> http://www.tgrmg.net/?feed=rss2&p=596 6 http://www.tgrmg.net/?p=585 http://www.tgrmg.net/?p=585#comments Wed, 18 Nov 2009 02:02:45 +0000 သိင်္ဂါရမောင် http://www.tgrmg.net/?p=585 ချစ်သူရေ… လွမ်းလိုက်ရတာကွာ။ ခုများဆို ဝေးနေကြရတာ ဘယ်လောက်တောင် ရှိပြီပဲ။ အင်းလေ… ဝေးနေကြရတယ်ဆိုတာထက် မနီးကြရသေးတာပေါ့။ ကမ္ဘာတခြမ်းဆီမှာနေရင်း လေထုတွေကတဆင့် ဝါယာတွေကတဆင့် ရုပ်ဝတ္ထုတွေကတဆင့် မင်းနဲ့ ဆုံခဲ့ကြတာမဟုတ်လား။ ရှေးကုသိုလ် ရေစက် သံသရာစက်ဝန်းရဲ့ ဆုံမှတ်တနေရာမှာ ချစ်နေကြရတဲ့ချစ်သူ… တနည်းအားဖြင့်… အင်တာနက်ချစ်သူ။

အပြင်မှာမမြင်ဖူးပေမယ့်

ရင်မှာအချစ်ထူးတယ်

အရူးမလေးရယ်…

မင်းနဲ့ တွေ့ကြရမယ့် အချိန်လေးတွေကို မျှော်လင့်မိပါရဲ့။ တွေ့ရမယ့် အချိန်တွေ ဝေးနေပြန်သေးတော့လဲ အချိန်မတိုင်မီ တွေ့ချင်တဲ့ စိတ်လေးဖြစ်မိသေးတယ်။ စိတ်ကူးယဉ်ရင်း လွမ်းတယ်။ လွမ်းရင်း မျှော်တယ်။ ကိုယ်က သူ့ဆီ မသွားနိုင်သေးတော့ သူအလာကို မျှော်မိတယ်။ ဒီလိုနဲ့ပဲ အခက်ခဲတွေကြားမှာ လွမ်းစိတ်ကို အပေါင်းသင်းနဲ့ ဖြေသိမ့်တယ်။ ဆိုတယ် ကတယ် တီးတယ် သောက်တယ်။ ဆိုကရေးတီး(Socrates)ကို  ဂုဏ်ပြုနေသည့်အလား။ ဒီမော်စကိုမြို့လေးကို မင်း ရောက်လာရင် လိုက်ပို့ဖို့ စိတ်ကူးထားတဲ့အတွေးတွေ ဒီရင်ဘတ်နဲ့ အပြည့်။ အခွံဖြစ်သွားတဲ့ ပုလင်းထဲက အခါးရည်တွေကလဲ ခုတော့ ဒီဗိုက်ထဲမှာအပြည့်။ ဒီလိုနဲ့ပဲ ညပေါင်းများစွာ ဒီရင်ဘတ်မှာ ရီဝေတယ် မူးတယ် မေ့တယ် မောတယ်။

နေရာတခြားဆီပေမယ့်

မင်းအနားခြေရာချချင်တယ်

သေနာမလေးရယ်…

ဒီနေ့ …. လွမ်းမောမှုတွေ ခဏတာ ချွေးသိပ်မယ့်နေ့။

လေညှင်းတခုတည်းကို အတူရှုရှိုက်ရမယ့်နေ့။

တနည်းအားဖြင့်… မော်စကို ….. သို့ ….. ချစ်သူ ခေတ္တရောက်လာမယ့်နေ့။

ရှိသမျှထဲက အလိုက်ဖက်ဆုံးလေးတွေ ရွေးဝတ်ပြီး ချပ်ချပ်ရပ်ရပ် မရှိတော့တဲ့ ရင်ခုန်သံတွေနဲ့ ကစင့်ကလျား ရှာနေတဲ့ မျက်လုံးပိုင်ရှင်ဟာ ငါပဲပေါ့။ တွေ့တွေ့ချင်းပဲ ကိုယ့်မျက်လုံးကိုယ် မယုံရဲသေးသလိုနဲ့ အပြေးတပိုင်း ခြေလှမ်းတို့နဲ့အတူ မင်းအနားကို ရောက်လာခဲ့ပြီး ပန်းစည်းလေး မင်းလက်ထဲ ဆက်သလိုက်တယ်။ ဒါ သာမန် ပန်းစည်းမဟုတ်ဘူးချစ်သူ ငါ့ဘဝတစ်ခုလုံးပဲ။

စက္ကန့်တို့ရေ…

ခုကစပြီး နှေးချင်သလို နှေးလိုက်စမ်း

ရင်ခုန်သံကကြိုးတွေ အစီအရီခင်းကျင်းတဲ့အချိန်

နာရီတွေအိပ်ကပ်ထဲကမထုတ်ကြေး မသာမလေးရေ

ဘယ်လို အားတင်းပြီး လာခဲ့ရကြောင်း ၊ လေဆိပ်မှာတင် လူတိုင်းကို အင်္ဂလိပ်လို ပြောလို့ အဆင်မပြေတော့တာ သိလိုက်ရကြောင်း ၊ ကို လာကြိုပါ့မလား တွေးပူနေမိသေးကြောင်းတွေ အမောတကောလေး ပြောနေတဲ့မင်းကို ငါ့ရင်ခွင်ထဲမှာ အမောပြေစေခဲ့တယ်။ ငါနေတဲ့အခန်းကျဉ်းလေးဆီ နှစ်ကိုယ်တူအလာ စိတ်ကူးထဲက မော်စကိုဟာ မင်းရောက်လာမှ ပြည့်စုံသွားတာပေါ့ ချစ်သူရယ်…

မော်စကိုဆိုတာလေ ဒီလို ဒီလိုပေါ့။ မနားတမ်း ရှင်းပြနေရတာတောင် ငါ မမောတတ်တော့ဘူး။ ရုရှားနန်းတော်  ၊ လီနင်အုတ်ဂူ ၊ ရင်ပြင်နီဆိုတဲ့ နေရာတွေမှာ လမ်းအတူ လျှောက်ခဲ့တယ်။ Tsar ခေါင်းလောင်းကြီး ကို  နှစ်အယောက်အတူ တီးခဲ့ကြတယ်။ ငါရေးခဲ့ဖူးတဲ့ အနုပညာလမ်းလေး ရဲ့ ရသတွေကို အတူခံစားကြတယ်။ ဒီလမ်းလေးမှာ ဘာလို့ ဒီလို စိတ်ကူးလေး ရတယ်ဆိုတာလေး ရှင်းပြမယ်။ ပန်းခြံတွေ ကစားကွင်းတွေ ပြတိုက်တွေ တိရိစ္ဆာန်ဥယာဉ်တွေ စုံလို့ပေါ့။ မော်စကိုတမြို့လုံး တို့ ခြေရာတွေချည်းပဲ ဖြစ်ခဲ့ကြတယ်။

အတူရှိချိန် နှင်းခဲတွေကြား

အနမ်းခတဲ့ တို့ပါးပြင်တွေ

နွေးနေကြတယ် ကောက်တေးမလေးရယ်

အပြင်မှာ လည်တဲ့ရက်တွေရှိသလို သူငယ်ချင်းတွေနဲ့ အဆောင်မှာ အတူချက်ကြ စလိုက် နောက်လိုက်ကြ အချိန်တိုင်းမှာ ပျော်စရာအတိ။ တနေ့တနေ့ ဘယ်လိုကုန်မှန်းမသိ ကုန်လာလိုက်တာ။ အချိန်တွေရယ် မြန်လွန်းလှချည်ရဲ့။ မင်း မော်စကိုမှာ နေဖို့ တရက်ပဲ ကျန်တော့တယ်။ ဒီနေ့ မော်စကိုမြစ်ထဲမှာ သဘောင်္စီးထွက်ကြမယ်။

Time Machine နဲ့ အချိန်ကိုဆိုင်း

ရင်ခုန်သံတိုင်းက အိမ်မပြန်ခိုင်းဘူးတဲ့

ဗိုင်းနာမလေးရယ်

အပြင်ထွက်ဖို့ ပြင်ဆင်ရင်း  သူ ရေချိုးမယ်လုပ်တော့ တဆောင်လုံး ရေပြတ်နေလေရဲ့။ ဒါနဲ့ပဲ နေတဲ့အထပ်ရဲ့ အများသုံး ရေကန်မှာပဲ ရေချိုးဖို့ ခေါ်သွားခဲ့ရတယ်။ အများသုံးကန်ဆိုတော့ တခါးဂျက်လဲ မရှိပြန်ဘူး။ ချစ်သူရေချိုးတာကို တခြားလူတွေ မမြင်စေချင်တော့ ဂျက်ချလို့ မရတဲ့ တံခါးကိုပိတ် ၊ ကျောမှီပြီး ခန့်ခန့်ကြီး ရပ်ပြီး မှီထားလိုက်တယ်။ ကျောင်းသွားခါနီး အချိန်မို့ သူငယ်ချင်း တယောက်နှစ်ယောက် ရေချိုးဖို့ ရောက်လာကြတော့ တောင်းပန်ပြီး စောင့်ထားခိုင်းရတယ်။ တဆောင်လုံး ရေမလာတာမို့ ဒီကန်ကိုပဲ စုပြုံရောက်လာကြလေတော့ လူတွေက တဖြည်းဖြည်း များလို့လာပြီ။ ချစ်သူကလည်း ရေချိုးလို့ မပြီးသေး….

“ကျောင်းချိန်နောက်ကြနေပြီကွ မင်းကောင်မလေးမပြီးသေးဘူးလား”

“အခန်းတွေမှာ ရေမလာဘူးဆိုမှ အများသုံးကန်ကို တယောက်တည်း ပိတ်သုံးရလားကွ”

“ကြာတယ်ကွာ ဝင်ကြမယ်”

“…………..”

“…………..”

“…………..”

အတွင်းထဲက ချစ်သူရှိရာ တံခါးကို ကာဆီးကာ မဝင်ကြဖို့ တောင်းပန်နေရတယ်။ ချစ်သူကလည်း ဒီနေ့မှ ရေချိုးတာ ဘာလို့ ဒီလောက်ကြာနေသည်မသိ။ သူငယ်ချင်းများကလည်း သည်မနက်မှ ဘာလို့ သည်းမခံနိုင်ကြသည်မသိ။ လူတွေ အော်သံတွေက နားထဲမှာ ဗလောင်ဆူနေသည်။ ချစ်သူအား စိုးရိမ်စိတ်ဖြင့် ရင်မှာ ပူလောင်နေသည်။ ချွေးဆီးချွေးပေါက်တွေကျကာ ခြေလက်တွေ မရပ်တည်နိုင်တော့ပြီ။

ကျနော် တံခါးနားမှာ ခွေခွေလေး လဲကျသွားသည်။

စောင့်နေကြသော သူငယ်ချင်းများ တံခါးဖွင့်ပြီး ဝင်သွားကြသည်။

နားထဲမှာ အသံတွေ…………… အသံတွေ…………. အသံတွေ…………

………. ~~~~~~~~ …………. ~~~~~~~~ ……………

အော်ဟစ်သံလည်း မဟုတ် ဆူညံသံလည်းမဟုတ် အားယူပြီး နားအစွင့်…

ခေါင်းအုံးအောက် ဖုန်းမှ alarm သံ ၊ ပြနေတဲ့ message က Good Morning…

ညက အသုံးတော်ခံခဲ့တဲ့ ပုလင်းတွေ ခွက်တွေနဲ့ ဂစ်တာလေးက ပိုးလိုးပက်လက် အိပ်စက်ဆဲ…

“ဟင်းးးးးးးးးး …. ” ချလိုက်သော သက်ပြင်းက မောဟိုက်နေမှုလား ၊ အခက်ခဲက လွတ်မြောက်မှုလား ၊ အိပ်မက်ကို နှမျောတမ်းတနေတာလား ဝေခွဲ၍မရ။ သေချာတာတော့ ဒီ အိမ်မက်လေးအတွင်းမှာ ချစ်သူနဲ့ ကြည်နူးခဲ့ရသည်။ အိမ်မက်အတွင်းက စိုးရိမ်စိတ်တို့က ခုတော့ ဟာသတစ်ပုဒ်အလား။ စောင်ခြုံထဲက ချွေးစေးတွေကတော့ မခြောက်သေး…

အိပ်မက်ထဲမှာတော့…..

မော်စကို ….. သို့ ….. ချစ်သူ ရောက်လာခဲ့သည်။

အိပ်မက်နိုးလေတော့ ကျနော် လုပ်မိတာက…..

မှ/ …. မော်စကို …… သို့ / …… ချစ်သူ လို့ရေး ၊ စာအိပ်လေး ပိတ်ပြီး ကျောင်းအသွား စာတိုက်မှာ စာထည့်ရမည်….

မေတ္တာဖြင့်

TGRmg

[View with PicLens]

ထားဝယ်ယိုကြပ်ခိုး >> ထားဝယ်ရိုးကြက်ခိုး

စကားပုံရဲ့ မူရင်းအဓိပ္ပါယ်ကတော့ ထားဝယ်ယိုဟာ ကြပ်ခိုးလို မဲပါတယ်။ ထားဝယ်သူ ထားဝယ်သားတွေလဲ အသားညိုပေမယ့် စိတ်ထား ဖြူစင်ရိုးသားကြပြီး စကားချိုသာတာကို တင်စားတဲ့ သဘောနဲ့ပါ။ အချိန်တွေ ကြာလာတော့ ဖြစ်လာပုံက ထားဝယ်တွေ ရိုးတယ်ဆိုတာ အနည်းဆုံး ကြက်တော့ ခိုးတတ်သလို ပြောဆိုလာကြ ၊ နားလည်လာကြရပါတော့တယ်။

ရှမ်းရိုးလင်ကိုး >> ရှမ်းရိုးလင်ခိုး / လင်ကိုး(ယောက်)

ရှမ်းရိုးရာ ရှမ်းသူတို့ဟာ သူတို့ရဲ့ လင်ယောက်ျားကို ကိုးကွယ်ကြတယ်။ လင်ယောက်ျားကို ရှမ်းမများက ကိုင်တိုင် အလုပ်အကျွေးပြုကြတယ်။ ဒီဓလေ့လေးကို ဆိုလိုတာပါ။ ဒီကနေ ပြောင်းလာလိုက်တာက ရှမ်းသူများ ရိုးတဲ့သူတောင် သူများလင်ခိုးတတ်သလိုလို ၊ အနည်းဆုံး လင်ကိုးယောက်ပဲ ရှိသလိုလို ပြောင်းလဲပစ်ကြတယ်။ တိုင်းရင်းသားတွေရဲ့ ချစ်စရာအလေ့အထနဲ့ စကားပုံတွေ ညစ်ညမ်းသွားတာ စိတ်မကောင်းစရာပါ။

ပန်းပဲတူငြိမ် >> ပန်းပဲလူလိမ်

မူရင်းက ပန်းပဲဆရာတို့ဟာ သူတို့ရဲ့ လက်မှုထည် ပန်းပဲပစ္စည်းတွေ လက်ရာကောင်းကောင်း ရစေဖို့အတွက် သူတို့ရဲ့ တူချက်ဟာ ငြိမ်ဖို့လိုတယ်ကို ဆိုလိုပါတယ်။ ဒီကနေ ပန်းပဲဆရာတွေကို လူလိမ်တွေအဖြစ် မြင်စေအောင် ပန်းပဲလူလိမ်ရယ်လို့ ပြောင်းလဲလာပါတယ်။

ပန်းတိမ်ရွှေခို >> ပန်းတိမ်ရွှေခိုး

ဒါလဲပန်းပဲဆရာလိုပါပဲ။ ပန်းတိမ်ဆရာတွေဟာ ကျွမ်းကျင်လာရင် ဖြစ်စေချင်တဲ့ လက်ဝတ်ရတနာကို ရသလောက်ရွှေနဲ့ ရွှေကို ခို (လျော့) ပြီး လုပ်ပေးနိုင်စွမ်းရှိတာကို ပန်းတိမ်သမားတွေကပဲ ရွှေခိုးကြသလိုဖြစ်သွားပါတယ်။

သံဖြူမအေးလို >> သံဖြူမအေ–ိုး

သံဖြူဆိုင်တွေမှာ လိုရာပစ္စည်းတွေ လုပ်တဲ့အခါမှာ သံကို မီးကင်ပြီး မအေးခင်မှာ လုပ်ရပါတယ်။ အေးတဲ့အခါမှ လုပ်ရင် ကွဲတတ်ပါတယ်။ ဒါကို မဆီမဆိုင် ညစ်ညမ်းပစ်လိုက်တာပါတဲ့။

မယားနေစ ချောင်သေမှ >> မယားနေစ ကြောင်သေမှ

ဒါကတော့ အသုံးအများဆုံး ၊ လက်ခံထားကြဆုံး စကားပုံပါ။ မူရင်းက အိမ်ထောင်စကျကာစ အမျိုးသမီးဟာ အိမ်မှုကိစ္စနိုင်နင်းလို့ အိမ်ရဲ့ ချောင်ကြို ချောင်ကြားတောင်မှ နိုင်နိုင်နင်းနင်း သန့်ရှင်းထားနိုင်ခြင်းကို ဆိုလိုပါတယ်။ ဒါကို ယောက်ျားက မိန်းမယူကာစ မိမိ မိန်းမရှေ့မှာ ကြောင်ကို သေအောင် ရိုက်ပြပြီး ချောက်လှန့်ထိမ်းသိမ်း ထားရမယ်လို ဖြစ်သွားပါတယ်။

ဒီလို စကားပုံတွေ ပြောင်းလဲလာတာ ကြည့်ရင် လူတွေရဲ့ ဖျက်လိုဖျက်ဆီး စိတ်က သိသာလှပါတယ်။ ဒီလို အချိန်တွေ ကြာလာတာနဲ့အမျှ လွဲမှားစွာ လက်ခံထားကြတာကို အမှန်သိရင် ပြင်ကြရအောင်လားဗျာ။ ဒီလို ပြောင်းလဲလာတာတွေကို ဓမ္မစေတီဆရာတော် တရားတော်မှ တဆင့် သိခဲ့ရလို့ ပြန်လည် မျှဝေထားတာ ဖြစ်ပါတယ်။

ရွှေလင်ပန်းနဲ့ အချင်းမဆေးခဲ့ဘူး
အဖေ့ပုဆိုးစအနှီးထုပ်ထဲမှာ အသက်မျှင်းမျှင်းရှုခွင့်လေးနဲ့
ငါဘဝငါ စထမ်းခဲ့လိုက်တာ
လာရာလမ်းကို မပြန်ရသေးခင်အထိ။

ငါ့နားက မျိုမချနိုင်တဲ့ မပြည့်စုံမှုအကြောင်းတွေ
ရင်းနှီးလိုက်ရတာ ဒုနဲ့ဒေး
ခြေချလိုက်တိုင်း ဒုက္ခပန်းတွေကို ပွင့်လို့။

ကျုံးသွင်းမှရတဲ့ ခင်မင်မှုတွေ
အချွဲပိုနေတဲ့ စေတနာတွေ
ယုံကြည်မှု ထုံကူးရတာသိပ်ခက်တဲ့လူတွေကြား
ထွက်ပေါက်တွေ သိပ်ကျဉ်းခဲ့ဖူးတယ်။

အို… ဘာပဲဖြစ်ဖြစ် သိမ်ငယ်မှုတွေကို
လူမမြင်အောင် အမှိုက်ပုံးထဲ ခိုးထည့်
ကိုယ့်မျက်ရည်ကိုယ်သောက် ကိုယ်မာနကိုယ်စား
မြေနိမ့်ရာ လှံစိုက်ချင်သူတွေကို
ကျွဲပုခုံးထအောင် ကြိုးစားတွန်းလှန်လာလိုက်တာ
အမာရွတ်တွေက နှစ်ဆယ့်နဲ့လေး။

ငါ့လက်ကနာရီ ဓါတ်ခဲကုန်ရင်ရပ်သလို
ငါ့ဇာတာ ဓါတ်ခဲဟာ တရွေ့ရွေ့ကုန်လို့
စီးကရက်တစ်ဗူးစာ ကျော်ရုံပဲရှိသေးတဲ့အသက်
နောက်တစ်ဗူးစာမှ နေရပါ့မလား
နောက်နှစ်ဗူးစာမှ နေရပါ့မလား
ဒါ ငါ့အလုပ်မဟုတ်ဘူး
ငါသေမယ့်ရက်စွဲ ငါကိုယ်တိုင် မဖြည့်ရရင်တော်ပြီ။

မွေးနေ့တိုင်းဟာ တနည်းအားဖြင့်
ကုန်ဆုံးသွားတဲ့ တစ်နှစ်တာအတွက်
တခမ်းတနားမရှိလှတဲ့ အသုဘပွဲတစ်ပွဲ
လာမယ့်နှစ်အတွက် မျှော်လင့်ချက်မွေးတဲ့ပွဲတစ်ပွဲ။

ငါကဗျာဆရာမဟုတ်ပါဘူး
မျက်စိထဲ ဝင်သမျှကို ဦးနှောက်နဲ့ ဇကာချ
အန္တရာယ်ကို မလွယ်ထားနိုင်တော့မှ
ရေဆူမှတ်ရောက်နေတဲ့ ခံစားချက်တွေ
ဒီရင်ဘတ်က တခါတလေ အန်ချမိရုံသက်သက်ပါ။

အနုပညာဝမ်းစာ မပြည့်တပြည့်နဲ့
ကဗျာတွေကို ရင်ဘတ်မှာ ချိတ်ဆွဲ
ခရောင်းတောကို ရဲရဲနင်းရင်း
အခါတစ်ရာသေစမ်းပါစေ
ငါဟာ
သေတဲ့နေ့မှာ ပြန်မွေးမယ့်လူ…

p.s (၁၃.၉.၂၀၀၉) ရက်နေ့မှာကျရောက်မယ့် (၂၄) နှစ်ပြည့် မွေးနေ့အတွက် အမှတ်တရ ကဗျာလေး တစ်ပုဒ်ပါ။ မွေးနေ့တိုင်း ကျွန်တော့်ဘဝမှာ ခံစားရသမျှ  ကြည်နူးမှုတွေ  နာကျင်မှုတွေကို ပြန်ပြောင်းသတိရရင်း ဆက်လျှောက်ရမယ့် အချိန်တွေအတွက် ခွန်အားမွေးနေရမြဲပါ။ နောင်နှစ်တွေ သူငယ်ချင်းတွေနဲ့ အတူ ဒီနေရာမှာ ရှိနေနိုင်ဖို့ မသေချာတော့ပါဘူး။ သူငယ်ချင်း အားလုံး ဘဝမှာ အမြဲတမ်း ရှင်လူ ဖြစ်နေနိုင်ပါစေ… လို့ ဆုတောင်းလိုက်ပါတယ်။

“အခုချိန်ကစပြီး သတင်းများကို ကြေညာပါတော့မယ် ခင်ဗျာ…”

“ဒီကနေ့ ခရစ်သက္ကရစ် ၂၀၀၉ ခု စက်တင်ဘာလ (၁၂) ရက် ၊ မြန်မာသက္ကရစ် ၁၃၇၁ ခု တော်သလင်းလဆုတ် (၉) ရက် စနေနေ့ သတင်းများကို ကြေညာပါမယ်။ ဒီကနေ့ဟာ ဗုဒ္ဓဘာသာဝင်တို့ရဲ့ သင်္ကြန်အကြိုနေ့ ဖြစ်တဲ့ အားလျှော်.. လျှော်.. လျှော်”

“အာ…. ဟိုး ဟိုး ဟေ့လူ တိုက်ရိုက်လွှင့်နေတာဗျ။ သတင်းကြေညာနေတာ နောက်စရာမှတ်နေလား။ ဘယ့်နှယ့် တော်သလင်းလကြီးမှာ သင်္ကြန်အကြိုနေ့ လုပ်နေရတာတုန်း။”

“ဘာဗျ ကျုပ်က သတင်းလိမ်ပြီး ကြေညာနေတယ် ထင်လို့လား။  ဒီနေ့ သင်္ကြန်အကြိုနေ့မှ သင်္ကြန်အကြိုနေ့စစ်စစ် ဟွန်း”

“ဟာဗျာ ဒီလူတော့ ဒုက္ခပဲ။ စက်တင်ဘာလလေဗျာ။ ဖြစ်နိုင်မလား သေချာစဉ်းစားပါအုံး”

“ဘာမှ စဉ်းစားစရာမလိုဘူး ကိုယ့်လူ။ သတင်းကြေညာမလို့ လုပ်ကတည်းက ပြက္ခဒိန်သေချာကြည့်ပြီးသား။ ခင်များသာ ပြက္ခဒိန် ကြည့်တတ်တဲ့ အလေ့အထလေး လုပ်ထားအုံး”

“အာ… ဒီလူ ပြက္ခဒိန် ကတော့ ဒီလိုပြမလားဗျ။”

“မယုံရင် ဒီမယ် ကြည့်ကိုယ့်လူ ပြက္ခဒိန်မှ ပြက္ခဒိန် စစ်စစ်။”

“ဟာ မဖြစ်နိုင်ဘူး… မဟုတ်ဘူး … မဟုတ်ဘူး”

“ဘာမဟုတ်ရမှာလဲ ကိုယ့်လူ။ ဒီလောက် အတိအလင်း ဖော်ပြထားတာကို မှားတယ် လုပ်အုံးမလို့လား။”

“မဟုတ်သေးဘူးလေ…. ဒါက …. တခုခုကြောင့်”

“တိတ်… ဘာမှ လာမရှင်းပြနဲ့။ ပြက္ခဒိန်အတိုင်းပဲ ကျုပ်ဆက်ကြေညာမယ်…

ဒီကနေ့ ခရစ်သက္ကရစ် ၂၀၀၉ ခု စက်တင်ဘာလ (၁၂) ရက် ၊ မြန်မာသက္ကရစ် ၁၃၇၁ ခု တော်သလင်းလဆုတ် (၉) ရက် စနေနေ့ဟာ ဗုဒ္ဓဘာသာဝင်တို့ရဲ့ သင်္ကြန်အကြိုနေ့ ဖြစ်တဲ့ အားလျှော်စွာ….”

“ဟာ ဒီလူ ဇွတ်ကိုကြေညာတော့တာပဲ”

“ခင်များကို ပြက္ခဒိန် ပြထားပြီးပြီလေ။ တိတ်တော့..”

“သင်္ကြန်အကြိုနေ့ ဖြစ်တဲ့ အားလျှော်စွာ…….”

“ဟာဗျာ ဟေ့လူ……”

“မဟုတ်လို့လားဗျာ ပြန်ကြည့် ခု”

“ဟာဗျာ.. ဒါတော့ ……………”

“အာ.. မယုံရင် ကြည့်ဆို… ”

“အဟင့်.. ဒါကလေ .. ဟို..”

“……………………”

“…………………..”

To see a bigger picture pls L-click at the calender.

လာမယ့် ကျွန်တော့်မွေးနေ့ စက်တင်ဘာ (၁၃) ရက်နေ့ဟာ မြန်မာလို ဘာရက်ဖြစ်လဲလို့  ကြည့်မိရင်း (၁၂) ရက်နေ့က အမှားလေးကို သတိထားမိလို့ ရေးလိုက်တာပါဗျာ။ Burmese classic ရဲ့ calender တခုခုမှားသွားတယ် ထင်ပါတယ်။ ဘာရယ်မဟုတ်ပါဘူး ဟာသသဘောရေးလိုက်တာပါ။ မည်သူ့ကိုမှ ထိခိုက်စေလိုခြင်းမရှိကြောင်းပါ