လွဲမှားနေတဲ့ စကားပုံများ
Wednesday, November 4, 2009 1:59စကား စကား စရင်းနဲ့ကားလေသလားပဲမသိဗျာ။ တဆင့်စကား တဆင့်နားနဲ့ ပျက်လာရတဲ့ စကားပုံလေးတွေကို ကြုံတာနဲ့ သိခွင့်ရလိုက်တာလေး ပြန်ပြီး မျှဝေချင်ပါတယ်။ ဒါလေးတွေ စသိသိချင်း ကျနော်ကိုယ်တိုင်ပဲ လက်ခံထားတဲ့ ဒီစကားတွေ တဆင့် တဆင့် မှားယွင်းစွာ လက်ခံလာတဲ့ စကားပုံတွေ ဘယ်လောက်တောင် ရှိလိမ့်အုံးမလဲ သိချင်လာမိတယ်။
ထားဝယ်ယိုကြပ်ခိုး >> ထားဝယ်ရိုးကြက်ခိုး
စကားပုံရဲ့ မူရင်းအဓိပ္ပါယ်ကတော့ ထားဝယ်ယိုဟာ ကြပ်ခိုးလို မဲပါတယ်။ ထားဝယ်သူ ထားဝယ်သားတွေလဲ အသားညိုပေမယ့် စိတ်ထား ဖြူစင်ရိုးသားကြပြီး စကားချိုသာတာကို တင်စားတဲ့ သဘောနဲ့ပါ။ အချိန်တွေ ကြာလာတော့ ဖြစ်လာပုံက ထားဝယ်တွေ ရိုးတယ်ဆိုတာ အနည်းဆုံး ကြက်တော့ ခိုးတတ်သလို ပြောဆိုလာကြ ၊ နားလည်လာကြရပါတော့တယ်။
ရှမ်းရိုးလင်ကိုး >> ရှမ်းရိုးလင်ခိုး / လင်ကိုး(ယောက်)
ရှမ်းရိုးရာ ရှမ်းသူတို့ဟာ သူတို့ရဲ့ လင်ယောက်ျားကို ကိုးကွယ်ကြတယ်။ လင်ယောက်ျားကို ရှမ်းမများက ကိုင်တိုင် အလုပ်အကျွေးပြုကြတယ်။ ဒီဓလေ့လေးကို ဆိုလိုတာပါ။ ဒီကနေ ပြောင်းလာလိုက်တာက ရှမ်းသူများ ရိုးတဲ့သူတောင် သူများလင်ခိုးတတ်သလိုလို ၊ အနည်းဆုံး လင်ကိုးယောက်ပဲ ရှိသလိုလို ပြောင်းလဲပစ်ကြတယ်။ တိုင်းရင်းသားတွေရဲ့ ချစ်စရာအလေ့အထနဲ့ စကားပုံတွေ ညစ်ညမ်းသွားတာ စိတ်မကောင်းစရာပါ။
ပန်းပဲတူငြိမ် >> ပန်းပဲလူလိမ်
မူရင်းက ပန်းပဲဆရာတို့ဟာ သူတို့ရဲ့ လက်မှုထည် ပန်းပဲပစ္စည်းတွေ လက်ရာကောင်းကောင်း ရစေဖို့အတွက် သူတို့ရဲ့ တူချက်ဟာ ငြိမ်ဖို့လိုတယ်ကို ဆိုလိုပါတယ်။ ဒီကနေ ပန်းပဲဆရာတွေကို လူလိမ်တွေအဖြစ် မြင်စေအောင် ပန်းပဲလူလိမ်ရယ်လို့ ပြောင်းလဲလာပါတယ်။
ပန်းတိမ်ရွှေခို >> ပန်းတိမ်ရွှေခိုး
ဒါလဲပန်းပဲဆရာလိုပါပဲ။ ပန်းတိမ်ဆရာတွေဟာ ကျွမ်းကျင်လာရင် ဖြစ်စေချင်တဲ့ လက်ဝတ်ရတနာကို ရသလောက်ရွှေနဲ့ ရွှေကို ခို (လျော့) ပြီး လုပ်ပေးနိုင်စွမ်းရှိတာကို ပန်းတိမ်သမားတွေကပဲ ရွှေခိုးကြသလိုဖြစ်သွားပါတယ်။
သံဖြူမအေးလို >> သံဖြူမအေ–ိုး
သံဖြူဆိုင်တွေမှာ လိုရာပစ္စည်းတွေ လုပ်တဲ့အခါမှာ သံကို မီးကင်ပြီး မအေးခင်မှာ လုပ်ရပါတယ်။ အေးတဲ့အခါမှ လုပ်ရင် ကွဲတတ်ပါတယ်။ ဒါကို မဆီမဆိုင် ညစ်ညမ်းပစ်လိုက်တာပါတဲ့။
မယားနေစ ချောင်သေမှ >> မယားနေစ ကြောင်သေမှ
ဒါကတော့ အသုံးအများဆုံး ၊ လက်ခံထားကြဆုံး စကားပုံပါ။ မူရင်းက အိမ်ထောင်စကျကာစ အမျိုးသမီးဟာ အိမ်မှုကိစ္စနိုင်နင်းလို့ အိမ်ရဲ့ ချောင်ကြို ချောင်ကြားတောင်မှ နိုင်နိုင်နင်းနင်း သန့်ရှင်းထားနိုင်ခြင်းကို ဆိုလိုပါတယ်။ ဒါကို ယောက်ျားက မိန်းမယူကာစ မိမိ မိန်းမရှေ့မှာ ကြောင်ကို သေအောင် ရိုက်ပြပြီး ချောက်လှန့်ထိမ်းသိမ်း ထားရမယ်လို ဖြစ်သွားပါတယ်။
ဒီလို စကားပုံတွေ ပြောင်းလဲလာတာ ကြည့်ရင် လူတွေရဲ့ ဖျက်လိုဖျက်ဆီး စိတ်က သိသာလှပါတယ်။ ဒီလို အချိန်တွေ ကြာလာတာနဲ့အမျှ လွဲမှားစွာ လက်ခံထားကြတာကို အမှန်သိရင် ပြင်ကြရအောင်လားဗျာ။ ဒီလို ပြောင်းလဲလာတာတွေကို ဓမ္မစေတီဆရာတော် တရားတော်မှ တဆင့် သိခဲ့ရလို့ ပြန်လည် မျှဝေထားတာ ဖြစ်ပါတယ်။
Rainbow က ဒီလိုရေးသွားတယ် >>
November 5th, 2009 at 12:34 am
Thanks for sharing your knowledge. Yeah, once we know the mistake, we should change it. Keep up with your writing. Cheers…
Waing က ဒီလိုရေးသွားတယ် >>
November 5th, 2009 at 8:10 am
စကားပုံဆိုလို့ တစ်ခုမှတ်မိသေးတယ် မြန်မာရုပ်ရှင်ကားတွေကြည့်တုန်းက မင်းသားပဲဖြစ်ဖြစ်၊ မင်းသမီးပဲဖြစ်ဖြစ် ရည်းစား၂ယောက်ထားတတ်ကြရင် ငါးရံ့၂ကောင်ဖမ်းတတ်တယ်လို့ပြောတယ်လေ အဲ့ဒီမှာ ၀ိုင်းရဲ့ အမေက ငါးခူ၂ကောင်ဖမ်းတာဆိုပြီး နောက်ပြောင်ပြောလိုက်တာ
နောက်တစ်ခါ အဲ့ဒီလိုကားမျိုးတွေနဲ့ ကြည့်မိရင် ငါးရှဉ့်၂ကောင်ဖမ်းတယ်ဖြစ်သွားပြန်ရော…အဲ့ဒါနဲ့ တကယ့်ငါးကို ပြောခါနီး မေ့ကုန်ရောလေ မနည်းစဉ်းစားရတာ အခုထိလည်းမှားတုန်းလေ ဟိး))))
အထက်က ပြောသွားတဲ့ စကားပုံအမှန်တွေကိုလည်း အခုမှ သိတော့တယ် ကျေးဇူးပါနော် ပျော်ရွှင်ပါစေ
ဂျေဂျူဝိုင် က ဒီလိုရေးသွားတယ် >>
November 5th, 2009 at 2:58 pm
ဟ ရှမ်းရိုးလင်ကိုး ဆိုတဲ့ စကားပုံကို ရှင်းလင်းပေးတာနဲ့ တင် ဒီပိုစ့်ကို ဖတ်ရတာ တန်သွားပြီဗျို့။ နောက် တစ်ခွန်းက မယားနေစ ချောင်သေမှ ဒါလေးလည်း ခုမှ အမှန်သိတာ။ တော်တယ်ဗျို့။
nyimg က ဒီလိုရေးသွားတယ် >>
November 9th, 2009 at 8:03 am
တခါက စုံးထောက်ဦးနံပြားမှာဖတ်ဖူးတာရှိသေးတယ်.
သူက….. မျက်စိနာချောင်ပို့ ဘုန်းကျီလီနဲ့တို့ တဲ့… ဘုန်းကျီလီအရွက်လားမသိပါဘူး. နာတဲ့မျက်စိကိုတို့ရတာ.. အဲဒါကို တလွဲ ဆိုသွားရောဗျာ..
အဖြေကိုတော့ စဉ်းစားသာကြည့်တော့. ရိုင်းလို့မပြောပြတော့ဘူးဗျို့..
Mg Ogga က ဒီလိုရေးသွားတယ် >>
November 9th, 2009 at 8:33 am
ကောင်းပါဗျာ ကောက်အယူလွဲကြတာတွေထောက်ပြပေးတာကောင်းပါတယ်ဗျာ
သိင်္ဂါရမောင် က ဒီလိုရေးသွားတယ် >>
November 9th, 2009 at 7:28 pm
Rainbow >> Thx
Waing >> ဖြစ်တတ်တာတွေပေါ့း)
ဂျေဂျူဝိုင် >> ရှမ်းတွေ ဘက်က ပြန်ကာကွယ်ပေးစရာ ရသွားပီပေါ့လေ
nyimg >> ဟုတ်တယ်ဗျ။ မျက်စိနာချောင်ပို့ ဘုန်းကြီးလီနဲ့တို့ ဆိုတဲ့ စကားအမှန်က မျက်စိနာနေတဲ့လူက အလင်းမခံနိုင်လို့ အမှောင်ရှိတဲ့ ချောင်ထဲမှာပဲနေရပီး သဖုန်းကြီးမြစ်နဲ့ မဲဇလီမြစ်ကို သွေးလိမ်းရင် ပျောက်တာကို ဆိုလိုတာပါ။ အဲဒါကို ပေါင်းပီး ဘုန်းကြီးလီ လို့ ကာရန်လိုက်ထားတာပါ။ ဒါကို ပြင်လိုက်ကြပုံကတော့ …. ဟတ်ဟတ် အပြောတော့ဝူး
Mg Ogga >> ဟုတ်တယ်ညီရေ ဖြစ်ပုံက ဂလို ဂလိုတွေ
မောင်နွေသစ် က ဒီလိုရေးသွားတယ် >>
November 15th, 2009 at 7:56 pm
ဟုတ်တယ်အကိုရေ….
ညီတောင်…ဟိုတစ်နေ့ကမှ အဲဒီစကားပုံတွေ ပြောင်းလဲလာပုံကို ရေးကြည့်မလို့စဉ်းစားနေတာ…။
နွေကဗျာ က ဒီလိုရေးသွားတယ် >>
November 18th, 2009 at 4:45 pm
အင်းနော် မှားတတ်ကြတာကလည်း
တင်ပြပေးတာလေးတွေ အရမ်းကောင်းပါတယ်
ပျော်ရွှင် ကျန်းမာလျှက်
စာတွေ အများကြီး ရေးနိုင်ပါစေနော်
ခန့်မိုးခက် က ဒီလိုရေးသွားတယ် >>
July 16th, 2010 at 1:45 pm
ကိုသိင်္ဂါရမောင်ရေ မှားနေတဲ့စကားပုံများဆိုပြီး ပြန်မှားနေလို့ပြောပါရစေ။
ပန်းပဲသူလိမ် ပန်းထိမ်ရွေခိုးဆိုပြီး လောကပတ်ဝန်းကျင်မှာ တော်တော်အပြောတွင်ကျယ်နေပါတယ်။ တကယ့်အမှန်ကိုတော့ ကျွန်တော် သိတာမကြာသေးပါဘူ။ ပန်းပဲတူလိမ် ဆိုတာက ကျွန်တော်တို့ ပန်းပဲလုပ်တဲ့အခါ ပန်းပဲဆရာတွေဟာ တူကိုလိမ်ဖယ်လိမ်ဖယ်ကိုင်ပြီး ဓား၊လှံထုနှစ်ရလို့ ပေါ်လာတာပါ။ ပန်းထိမ်ရွှေခိုးမဟုတ်ပါဘူး။ ပန်းထိမ်ရွေပိုးပါ ။ လိုအပ်တဲ့နေရာလေးတွေမှာ ရွှေလေးတွေပိုးပိုးပြီးတော့လုပ်ပေးကြတဲ့ ပန်းတိမ်ဆရာတွေအကြောင်းပါ။
ဒီတော့
ကျွန်တော်ကြားနာမှတ်သားဖူးတာကတော့
ပန်းပဲတူလိမ် ပန်းထိမ်ရွှေပိုးဆိုတဲ့အကြောင်း စေတနာနှင့်အကြောင်းကြားပါတယ်ဗျာ။ မှားခဲ့ပါရင်လည်း ခွင့်လွှတ်ဦးဗျို့။ ကျေးဇူးပါဗျာ။အခုလိုတင်ပေးထားတာ။